හෙට දැවැන්ත විරෝධතාවක් සඳහා විදුලි සේවකයින් කොළඹට

සියලු විදුලි සේවකයින් හෙට (01) කොළඹට කැඳවා විරෝධතාවක් පවත්වන බව ලංකා විදුලි සේවක සංගමය පවසනවා.

විදුලිබල මණ්ඩලය විකිණීමට ආණ්ඩුව ගෙන ඇති තීරණයට විරෝධය පළ කරමින් සහ තවත් ඉල්ලීම් කිහිපයක් මුල්කර ගනිමින් එම විරෝධතාව පවත්වන බවයි එහි ප්‍රධාන ලේකම් රංජන් ජයලාල් සඳහන් කළේ.

ලංකා විදුලි බල මණ්ඩලය විදෙස් සමාගම් 14කට විකිණීමට ආණ්ඩුව සූදානම් වන බවත්, ඒවා කොටස් කර ඉන්දියානු සහ චීන සමාගම්වලට ලබාදීමට සූදානම් වන බවයි ඔහු පෙන්වා දෙන්නේ.

ඒ අනුව නොවැම්බර් 01 වෙනිදා ලංකා විදුලි බල මණ්ඩලය ස්ථාපිත කර 54 වන සංවත්සරය පවත්වන දිනයේදී සියලු සේවකයින් කොළඹට ගෙන්වා දහවල් 12.00 ට විරෝධතාවක් ආරම්භ කරන බවයි ඔහු වැඩිදුරටත් සඳහන් කළේ.