චීනයේ පැවැත්වෙන 19 වැනි ආසියානු ක්‍රීඩා උළෙලේ කාන්තා ක්‍රිකට් තරගාවලියේ රිදී පදක්කම දිනා ගැනීමට ශ්‍රී ලංකා කණ්ඩායම සමත් වුණා
ශ්‍රී ලංකා කාන්තා කණ්ඩායම හා ඉන්දීය කාන්තා කණ්ඩායම අතර පැවති තරගය ලකුණු 19 කින් ඉන්දියාව ජය ගැනීමත් සම ඔවුන් රන් පදක්කම දිනාගත් අතර ශ්‍රී ලංකා රිදී පදක්කම දිනා ගත්තා
තරගයේ කාසියේ වාසිය දිනා පළමුවෙන් පන්දුවට පහරදුන් ඉන්දීය කණ්ඩායම සිය පන්දුවාර 20 තුළ කඩුලු 7 ක් දැවී ලකුණු 116 ක් ලබා ගත්තා.
පන්දුවට පහරදීමේදී ඉන්දීය කාන්තා කණ්ඩායම වෙනුවෙන් Smriti Mandhana ලකුණු 46 ක් හා Jemimah Rodrigues ලකුණු 42 ලබා ගැනීමට සමත් වුණා.
පන්දු යැවීමේදී ශ්‍රී ලංකා කාන්තා කණ්ඩායම වෙනුවෙන් උදේශිකා ප්‍රබෝධනී, ඉනෝකා රණවීර, සුගන්දිකා කුමාරි කඩුලු 2 ක් බැඟින් බිඳ හෙළිමට සමත් වුණා.
තරගයේ පිළිතුරු ඉනිම ක්‍රීඩා කළ ශ්‍රී ලංකා කණ්ඩායමට කඩලු 8 ක් දැවී ලබා ගැනීමට හැකියාව ලැබුණේ ලකුණු 97 ක් පමණයි.
ලකුණු පුවරුව පහතින්.
