මැයි 9 හානි වූ බස් රථවලටත් වන්දි ලබාදිය යුතුයි – ගැමුණු

නිවාස හානිවූ මන්ත්‍රීවරුන්ට වන්දි ලබාදෙන්නේ නම් මැයි 9 ගිනිබත් වූ බස් රථවලටද වන්දි ලබාදිය යුතු බව සමස්ත ලංකා පෞද්ගලික බස් හිමියන්ගේ සංගමය පවසනවා.

අරගලය හේතුවෙන් බස් රථ 50 ක් සම්පූර්ණයෙන් විනාශ වූ බවත් තවත් බස් රථ 50 ක් පමණ අර්ධ වශයෙන් හානි වූ බවයි එහි සභාපති ගැමුණු විජේරත්න සඳහන් කරන්නේ.

රක්ෂණයෙන් ලැබෙන මුදල ප්‍රමාණවත් නොමැති බවත් බස් රථයකට මිලියන 10 බැඟින් බස් රථ 50 ට වැය වන්නේ මිලියන 500 ක් පමණක් වන අතර එය සුළු මුදලක් බවයි ඔහු වැඩිදුරටත් සඳහන් කළේ.