පුහුණුව සඳහා බඳවා ගන්නා විශේෂඥ වෛද්‍යවරුන්ගේ ප්‍රමාණය වැඩි කිරීමට පියවර ගන්නා ලෙස සෞඛ්‍ය අමාත්‍යවරයා උපදෙස් ලබා දී ඇති බව වැඩබලන නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය ජී. විජේසූරිය පවසනවා.
ඒ අනුව සාමාන්‍යයෙන් විශේෂඥ වෛද්‍යවරයෙක් පුහුණු කිරීම සඳහා වසර 5ක පමණ කාලයක් ගතවෙන බවත් වසර 5කදී පමණ මෙම ප්‍රශ්නය අනිවාර්යයෙන්ම විසඳීමට හැකියාව ලැබෙන බවයි ඔහු සඳහන් කළේ.
විදේශ පුහුණුව ලැබීමට වෛද්‍යවරු 600ක පමණ පිරිසක් විදේශගතව ඇති බවත් එම පිරිසෙන් යම් පිරිසක් නොපැමිණෙන බවත් 50% ක ප්‍රමාණයක් පැමිණියද පවතින ගැටලුවට යම් විසඳුමක් ලැබෙන බවද වැඩබලන නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා සඳහන් කළා.
එසේම වයස අවුරුදු 63 සම්පූර්ණ වී විශ්‍රාම ගන්නා විශේෂඥ වෛද්‍යවරුන්ට කොන්ත්‍රාත් පදනම යටතේ සේවය කිරීමටද මේ වන විට අවස්ථාව ලබාදී ඇති බවයි වැඩබලන නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය ජී. විජේසූරිය වැඩිදුරටත් සඳහන් කළේ.
![imf[1]](http://bostonlanka.com/wp-content/uploads/2023/07/imf1-234x130.jpg)
