ඉදිරියේදී පැවැත්වීමට නියමිත උසස් පෙළ විභාගය සම්බන්ධයෙන් විභාග කොමසාරිස්වරයා විසින් ප්‍රකාශයක් නිකුත් කරනු ඇති බව අධ්‍යාපන අමාත්‍ය සුසිල් ප්‍රේම්ජයන්ත් පවසනවා.
ඒ අනුව විපක්ෂයෙන් යොමුකළ පැනයකට පිළිතුරු ලබාදෙමින් අධ්‍යාපන අමාත්‍යවරයා පාර්ලිමේන්තුවේදී මේ බව සඳහන් කර තිබෙනවා.
මෙහිදී යෝජනාවක් ඉදිරිපත් කරමින් සමගි ජන බලවේගයේ පාර්ලිමේන්තු මන්ත්‍රීනී රෝහිණී කවිරත්න සඳහන් කළේ, නොවැම්බර් මාසයේ උසස් පෙළ විභාගය නොපවත්වා පාසල් තෙවන වාරය 2024 ජනවාරි 19 වනදා දක්වා පැවැත්වුවහොත් එම පාසල් වාරය අවසන් කළ හැකි බවයි.
ඉන් පසුව උසස් පෙළ විභාගය ජනවාරි 22 ආරම්භ කර පෙරවාරි 17 දක්වා පවත්වා අවසන් කළ හැකි බවත් පෙරවාරි 19 වැනිදා 2024 පළමු පාසල් වාරය ආරම්භ කළ හැකි බවයි මන්ත්‍රීවරිය පෙන්වා දෙන්නේ.
එයට පිළිතුරු ලබාදෙමින් අධ්‍යාපන අමාත්‍යවරයා සඳහන් කළේ, මෙම යෝජනාව විභාග කොමසාරිස්වරයා වෙත යොමු කරන බවත් ඒ සම්බන්ධයෙන් තීරණය විභාග කොමසාරිස්වරයා විසින් ප්‍රකාශයක් සිදුකරනු ඇති බවයි.
