ඉදිරි මාස කිහිපය තුළ රජයේ රෝහල්වල CT scan, MRI සහ PET scan ආදී පරීක්ෂණ සේවාවන් නතරවීමේ අවදානමක් පවතින බව රජයේ විකිරණ විද්‍යා තාක්ෂණවේදීන්ගේ සංගමය පවසනවා.
විකිරණ තාක්ෂණවේදීන්ගේ පවතින හිඟය හේතුවෙන් මෙම සේවා ක්‍රියාත්මක කරවීම ගැටලු සහගත වී ඇති බවයි එහි සභාපති චානක ධර්මවික්‍රම සඳහන් කළේ.
මේ වනවිටත් 40%ක පමණ හිඟයක් සමඟ සේවය පවත්වාගෙන යන බවත්, මාසයකට නිලධාරීන් 3-4 ක ප්‍රමාණයක් විදේශගත වීමේ ප්‍රවණතාවයක් දක්නට ලැබෙන බවත් ඔහු සඳහන් කළා.
මේ සම්බන්ධයෙන් මාස ගණනාවක සිට සෞඛ්‍ය අමාත්‍යාංශය දැනුවත් කර ඇතත් සෞඛ්‍ය අමාත්‍යාංශය එම බඳවා ගැනීම් ප්‍රමාද කරමින් සිටින බවයි රජයේ විකිරණ විද්‍යා තාක්ෂණවේදීන්ගේ සංගමය වැඩිදුරටත් සඳහන් කළේ.
