ඔක්තෝම්බර් මාසය වන තෙක් ප්රමාණවත් වැසි නොලැබෙන බව කාලගුණ විද්යා දෙපාර්තමේන්තුව පවසනවා.
නිරිතදිග මෝසම ද ප්රමාණවත් පරිදි නොලැබුණු බවයි එහි අධ්යක්ෂිකා ශිරෝමනී ජයවර්ධන සඳහන් කළේ.
පවතින වියළි කාලගුණයත් සමග ජලාශවල ජල මට්ටම් ශීඝ්රයෙන් පහළ යමින් පවතින අතර ජලාශවල ධාරිතාව 33.3% ක් දක්වා පහළ ගොස් ඇති බවයි වාරිමාර්ග දෙපාර්තමේන්තුවේ ජල කළමනාකරණ අධ්යක්ෂිකා සුදර්ශනී විදානපතිරණ සඳහන් කළේ.
මහවැලි ජලාශ පද්ධතියේ ධාරිතාව ද 34% ක් දක්වා පහළ ගොස් ඇති අතර මේ හේතුවෙන් ජල විදුලි ජනනය සමස්ත විදුලි ජනනයෙන් 16% ක් දක්වා පහළ ගොස් ඇති බවයි ශ්රී ලංකා මහවැලි අධිකාරියේ නියෝජ්ය අධ්යක්ෂ ජනරාල් නිලන්ත ධනපාල සඳහන් කළේ.
