නව උපාධිධාරීන් බඳවා ගැනීමේ කටයුතු සඳහා වන ඉදිරි ක්‍රියාමාර්ග පළාත් මට්ටමින් සිදුකර තිබෙනවා – අධ්‍යාපන ඇමති

නව උපාධිධාරීන් බඳවා ගැනීමේ කටයුතු සම්බන්ධයෙන් ඉදිරි ක්‍රියාමාර්ග පළාත් මට්ටමින් සිදුකරනු ඇති බව අධ්‍යාපන අමාත්‍ය සුසිල් ප්‍රේමජයන්ත පවසනවා.
ඒ අනුව විද්‍යා, තාක්ෂණ, ඉංග්‍රීසි සහ විදේශ භාෂා යන විෂයන් සඳහා නව උපාධිධාරීන් බඳවා ගැනීමට සැලසුම් කර ඇති බවයි අධ්‍යාපන අමාත්‍යවරයා සඳහන් කළේ.
නව උපාධිධාරීන් 5450 ක් ගුරු සේවා ව්‍යවස්ථාව අනුව බඳවා ගැනීමට අනුමැතිය ගෙන ඇති බවයි අධ්‍යාපන අමාත්‍ය සුසිල් ප්‍රේමජයන්ත වැඩිදුරටත් සඳහන් කළේ.