ඉල්ලීම් කිහිපයක් මුල් කරගනිමින් අප්‍රේල් මස 13 සහ 14 යන දෙදින තුළ සේවය වාර්තා කිරීමෙන් වැළකී සිටීමට තීරණය කර ඇති බව සමස්ත ලංකා හෙද සංගමය පවසයි.
එහි සභාපති ගාමිණි කුමාරසිංහ මහතා සඳහන් කළේ තම ගැටළුවලට විසඳුම් ලබාගැනීම සඳහා සෞඛ්‍ය අමාත්‍යවරයාගෙන් සාකච්ඡා කිහිපයක්ම ඉල්ලා සිටියද මේ වන තෙක් කිසිදු සාකච්ඡාවක් ලබාදීමට පියවර ගෙන නොමැති බවය.
අමාත්‍යවරයාගේ මෙම ක්‍රියාකලාපයට එරෙහිව මෙම වෘත්තීය සමිති ක්‍රියාමාර්ගයේ නිරත වීමට තීරණය කර ඇති බව ගාමිණි කුමාරසිංහ
මහතා කියා සිටියේය.
