SL vs BAN 1st TEST : පළමු දිනය අවසානයේ බංග්ලාදේශ ලකුණු පුවරුව – 292/3

ශ්‍රී ලංකාව හා බංග්ලාදේශය අතර පැවැත්වෙන තරග දෙකකින් සමන්විත ටෙස්ට් ක්‍රිකට් තරගාවලියේ පළමු ටෙස්ට් තරගයේ පළමු දිනය අද (17) අවසන් වුණා.

තරගයේ කාසියේ වාසිය දිනා සිය පළමු ඉනිම සඳහා පන්දුවට පහරදෙමින් සිටින බංග්ලාදේශ කණ්ඩායම දිනය නිමා වන විට කඩුලු 3 ක් දැවී ලකුණු 292 ක් ලබා සිටිනවා.

පන්දුවට පහරදීමේදී බංග්ලාදේශ කණ්ඩායම වෙනුවෙන් පන්දුවට පහරදෙමින් සිටින නායක Najmul Hossain Shanto නොදැවී ලකුණු 136 ක් හා Mushfiqur Rahim නොදැවී ලකුණු 105 ක් ලබාගෙන සිටිනවා.

පන්දු යැවීමේදී ශ්‍රී ලංකා කණ්ඩායම වෙනුවෙන් තරිඳු රත්නායක කඩුලු 02 ක් හා අසිත ප්‍රනාන්දු එක් කඩුල්ලක් බිඳ හෙළීමට සමත් වුණා.

ලකුණු පුවරුව පහතින්.