![imf[1]](http://bostonlanka.com/wp-content/uploads/2023/07/imf1.jpg)
ශ්‍රී ලංකාව සමඟ වන මාස 48 ක විස්තීර්ණ අරමුදල් පහසුකම යටතේ IMF විධායක මණ්ඩලයේ තුන්වන සමාලෝචනය සම්පූර්ණ කළ අතර, එමඟින් ආර්ථික ප්‍රතිපත්ති සහ ප්‍රතිසංස්කරණ සඳහා සහාය වීම සඳහා මෙරටට ඇමරිකානු ඩොලර් මිලියන 334 ක ක්ෂණික ප්‍රවේශයක් ලබා දී තිබෙනවා.
ඒ අනුව මේ දක්වා ලබා දී ඇති මුළු IMF මූල්‍ය ආධාර ප්‍රමාණය ඇමරිකානු ඩොලර් බිලියන 1.34 ක් බවයි සඳහන් වන්නේ.
මෙරට ආර්ථික ප්‍රතිසංස්කරණ ඵල දරමින් ඇති අතර, ආර්ථික ප්‍රකෘතිය කැපී පෙනෙන ලෙස ඉහළ ගොස් තිබෙන බවත්, උද්ධමනය අඩු මට්ටමක පවතින බවත්, ආදායම් එකතු කිරීම වැඩිදියුණු වෙමින්, සංචිත අඛණ්ඩව රැස් වෙමින් පවතින බවත් IMF නියෝජ්‍ය කළමනාකාර අධ්‍යක්ෂ කෙන්ජි ඔකමුරා පවසා සිටියා.
ණය තිරසාරභාවය යථා තත්ත්වයට පත් කිරීම සඳහා ණය ප්‍රතිව්‍යුහගත කිරීම ඉදිරියට ගෙන යාමේ ප්‍රගතිය කැපී පෙනෙන බවද, මෑතකදී බැඳුම්කර හුවමාරුව සාර්ථකව නිම කිරීම ණය තිරසාරභාවය යථා තත්ත්වයට පත් කිරීම සඳහා ප්‍රධාන සන්ධිස්ථානයක් වන බව ද, නිල ණයහිමි කමිටුවේ ණය හිමියන් සමඟ සහ ඉතිරි ණය හිමියන් සමඟ ද්විපාර්ශ්වික ගිවිසුම් කාලෝචිත ලෙස අවසන් කිරීම දැන් ඇති ප්‍රමුඛතාවය බවද නියෝජ්‍ය කළමනාකාර අධ්‍යක්ෂවරයා වැඩිදුරටත් සඳහන් කර තිබෙනවා.
