වත්මන් ආණ්ඩුව එළඹෙන සිංහල හින්දු අලුත් අවුරුද්දට පෙර බරපතල සාපයක් ඇති කරාවිදැයි සම්බන්ධයෙන් ගැටලුවක් ඇති බව සමගි ජන බලවේගයේ පාර්ලිමේන්තු මන්ත්‍රී හෙක්ටර් අප්පුහාමි පවසනවා.
ඒ අනුව ඊළඟ සිංහල හින්දු අලුත් අවුරුද්ද වන විට ජනතාවට හාල් කිලෝ එකක් රුපියල් 300 කට ලබා ගැනීමට වන තත්ත්වයක් නිර්මාණය වන බවයි අද (06) පැවති මාධ්‍ය හමුවකට එක්වෙමින් මන්ත්‍රීවරයා සඳහන් කළේ.
Clean Sri Lanka වැඩසටහන යටතේ ත්‍රීරෝද රථයේ බුදු පිළිමය ගැලවීමේ සිට, අවසානයේ ගොවියාගේ අමුඩයත් ගලවන තැනට පත්වනු ඇති බවද ඔහු සඳහන් කළා.
රටට වාහන ගෙන්වීමට කටයුතු කරන්නේ මිනිසුන්ට ආදරයකට නොව, අයවැය හිඟය පියවා ගැනීමට අවශ්‍ය කරන ආදායම පෙන්වීම සඳහා බවයි පාර්ලිමේන්තු මන්ත්‍රී හෙක්ටර් අප්පුහාමි වැඩිදුරටත් සඳහන් කළේ.
