මේ ආණ්ඩුවට පිං කිරීමත් ලොකු ප්‍රශ්නයක් වෙලා – නාමල්

Clean Sri Lanka බවට පවසමින් පාරේ ත්‍රීරෝද රථ සහ බස් රථ මෙන්ම පාරේ වෙළඳාම් කරන ජනතාව Clean කිරීම හරහා සිදුවන්නේ දෛනික වැටුප් ලබන ව්‍යවසායකයාට බඩට පහරක් වැදීම නම් එය වැරදි ක්‍රියාවක් බව පාර්ලිමේන්තු මන්ත්‍රී නාමල් රාජපක්ෂ පවසනවා.

නීති ක්‍රියාත්මක කිරීමේදී ප්‍රායෝගික විය යුතු බවයි අද (06) මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.

ආණ්ඩුව හරි මඟට ගෙන ඒම සඳහා තමන්ටද වගකීමක් ඇති බවත් ආණ්ඩුව රට Clean කරන්න යන අතරේ, ආණ්ඩුව Clean කරදීමට ඔවුන්ට වගකීමක් ඇති බවයි පාර්ලිමේන්තු මන්ත්‍රී නාමල් රාජපක්ෂ සඳහන් කළේ.

වර්තමාන ආණ්ඩුව යටතේ පිං කිරීමත් ගැටලුවක් බවට පත්ව ඇති බවත් සමහර දේශපාලන පක්ෂ පිං කරනවාට කැමැත්තක් නොමැති බවයි පාර්ලිමේන්තු මන්ත්‍රී නාමල් රාජපක්ෂ වැඩිදුරටත් ප්‍රකාශ කළේ.