තමන් මෙවර මහ මැතිවරණයට ඉදිරිපත් වුණේ පරදින බව දැනගෙන බව හිටපු පාර්ලිමේන්තු මන්ත්‍රී උදය ගම්මන්පිල පවසනවා.
ඒ අනුව හිටපු පාර්ලිමේන්තු මන්ත්‍රීවරුන් 87 ක් මහ මැතිවරණයට ඉදිරිපත් නොවන බවට තීරණය කළේ, ජනාධිපතිවරණයේ ප්‍රතිඵලය දැකීමෙන් පසු බවයි රූපවාහිනී වැඩසටහනකට එක්වෙමින් හිටපු මන්ත්‍රීවරයා සඳහන් කළේ.
නමුත් තමන් මැතිවරණයට තරග කරන බවට තීරණය කළේ, ජාතික කඳවුරට ඡන්දය ලබාදීමට සිටින පිරිසට ඡන්දය දීමට තැනක් නැතිව ඔවුන්ද මාලිමාවට ආකර්ෂණයවීමට හැකියාව තිබූ නිසා බවයි බව හිටපු පාර්ලිමේන්තු මන්ත්‍රී උදය ගම්මන්පිල වැඩිදුරටත් ප්‍රකාශ කළේ.
