උත්සව සමයේදී කොළඹ මහ නගර සභා බල ප්‍රදේශය තුළ කැළිකසළ බැහැර කිරීම ඉහළ ගොස් ඇති බව කොළඹ මහ නගර සභාව පවසනවා.
දෛනිකව ටොන් 420ත් 450ත් අතර ප්‍රමාණයක කසළ ප්‍රමාණයක් එකතු වන බවත්, නමුත් මෙම මාසය අවසන් වනවිට එම ප්‍රමාණය වැඩිවිය හැකි බවයි කොළඹ මහ නගර සභාවෙහි නාගරික කොමසාරිස් පාලිත නානායක්කාර සඳහන් කළේ.
දෙසැම්බර් 31 වැනිදා වනවිට කොළඹ නගරයට පැමිණෙන අතිවිශාල ජන සංඛ්‍යාව නිසා ඉහත කසළ ප්‍රමාණය ටොන් 500ක් පමණ විය හැකි යැයි පුරෝකථනය කර ඇති බවයි කොමසාරිස්වරයා වැඩිදුර‍ටත් පවසා සිටින්නේ.
