අද (21) උදෑසන හැටන් ප්‍රදේශයේ සිදු වූ බස් රථ අනතුරකින් පුද්ගලයින් 03 දෙනෙකු මිය ගොස් 28 දෙනෙකු තුවාල ලැබුවා.
හැටන් සිට මහනුවර දක්වා ධාවනය වූ පෞද්ගලික බස් රථයක්, හැටන් – මල්ලියප්පුව ප්‍රදේශයේදී මාර්ගයෙන් ඉවතට පැන, තේ වත්තකට පෙරලී යාමෙන් මෙම අනතුර සිදු වී තිබෙනවා.
මෙම අනතුරෙන් පිරිමි පුද්ගලයෙකු, කාන්තාවක හා දරුවෙකු මරණයට පත්වී ඇති අතර, තුවාල ලැබූ අයගෙන් කිහිප දෙනෙකුගේ තත්ත්වය බරපතළ බැවින්, ඔවුන් වැඩිදුර ප්‍රතිකාර සඳහා නාවලපිටිය මූලික රෝහලට යොමු කර ඇති බවයි වාර්තා වෙන්නේ.
අනතුරට හේතුව මෙතෙක් හෙළිවී නොමැති අතර, සිද්ධිය සම්බන්ධයෙන් පොලීසිය වැඩිදුර පරික්ෂණ සිදු කරනවා.
