සහල් තොග සැඟවූ සහ වැඩි මිලට සහල් විකුණූ පුද්ගලයින් 80කට නඩු

වැඩි මිලට සහල් අලෙවි කළ හා සහල් තොග සඟවාගෙන සිටි පුද්ගලයින් 80 කට එරෙහිව පසුගියදා නඩු පැවරූ බව පාරිභෝගික කටයුතු අධිකාරිය පවසනවා.

ගෙවුණු දින 03 තුළ එවැනි පුද්ගලයින් 201 දෙනෙකුට එරෙහිව නඩු පැවරූ බවත්, වැඩි මිලට සහල් විකුණන පුද්ගලයින් සොයා දීප ව්‍යාප්තව සිදුකරන වැටලීම් දැඩි කරන බවයි එම අධිකාරිය ප්‍රකාශ කළේ.

එසේම, මහා පරිමාණ සහල් මෝල්වලින් නිකුත් කරන සහල් ප්‍රමාණය අධීක්ෂණය කිරීමට තවදුරටත් නිලධාරීන් යොදවා ඇති බවද පාරිභෝගික කටයුතු අධිකාරිය වැඩිදුරටත් සඳහන් කරනවා.