නායයෑමක් හේතුවෙන්, පස්සර – ලුණුගල මාර්ගයේ රථ වාහන ධාවනය 13 කණුව අසළින් සම්පූර්ණයෙන් අවහිර වෙයි

13 කණුව අසළ සිදුවූ නායයෑමක් හේතුවෙන්, පස්සර – ලුණුගල මාර්ගයේ රථ වාහන ධාවනය සම්පූර්ණයෙන් ඇණහිට තිබෙනවා.

ඊයේ (17) රාත්‍රියේ සිදුවූ නායයෑමත් සමඟ මාර්ගයට ගල් සහ පස් කඳු කඩා වැටී ඇති බවයි බදුල්ල දිස්ත්‍රික් ආපදා කළමනාකරණ සහකාර අධ්‍යක්ෂ, ඊ.එම්.ඒ.එල් උදය කුමාර සඳහන් කළේ.

මේ හේතුවෙන් විකල්ප මාර්ග භාවිත කරන්නැයි ඔහු රියැදුරන්ගෙන් ඉල්ලා සිටින අතර මාර්ගයට වැටුණු ගල් සහ පස් ඉවත් කිරීමේ කටයුතු මේ වන විට ක්‍රියාත්මකයි.