ශ්‍රී ලංකාවේ අනාගතය තීරණය කරන මහ මැතිවරණය සඳහා ඡන්දය භාවිතා කරන්න – පැෆරල්

ශ්‍රී ලංකාවේ අනාගතය තීරණය කරන මහ මැතිවරණය සඳහා සිය ඡන්දය භාවිතා කරන ලෙස සියලු ඡන්ද දායකයින්ගෙන් ඉල්ලා සිටින බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි පවසනවා.

ඉතිහාසය සමඟ සැසඳීමේදී මෙවර මහ මැතිවරණය ඉතාමත් සාමකාමී මැතිවරණයක් බවයි අද (14) මාධ්‍ය වෙත අදහස් දක්වමින් ඔහු සඳහන් කළේ.

ඡන්දය ප්‍රකාශ කිරීමට නිවාඩු ලබා නොදීම සම්බන්ධයෙන් පැමිණිලි කිහිපයක් ලැබී ඇති බවත් ආයතනවල සේවකයින්ට ඡන්දය ප්‍රකාශ කිරීම සඳහා අවස්ථාව ලබාදෙන ලෙස සියලුම ආයතන ප්‍රධානීන්ගෙන් ඉල්ලා සිටින බවයි ඔහු වැඩිදුරටත් ප්‍රකාශ කළේ.