පළමු දින විවාදයට දිලිත් පමණයි ‍- සජිත්, නාමල් සහ ආරියනේත්තිරන් නොපැමිණෙයි

මාර්තු 12 ව්‍යාපාරය සංවිධානය කරන ජනාධිපතිවරණ විවාද මාලාවේ පළමු දිනය වන අද (07) ජනාධිපති අපේක්ෂක දිලිත් ජයවීර පමණක් විවාදය සඳහා සහභාගී වී තිබෙනවා.

අද දින විවාදය සඳහා සජිත් ප්‍රේමදාස, නාමල් රාජපක්ෂ සහ ආරියනේත්තිරන් පාක්කියසෙල්වම් යන ජනාධිපති අපේක්ෂකයින්ද සහභාගී වීමට නියමිතව තිබුණත් ඔවුන් සහභාගී වී නොමැති බවයි වාර්තා වන්නේ.

කෙසේනමුත් විවාදයේ දෙවන දිනය හෙට (08) පැවැත්වෙන බවද ඒ සඳහා විජේදාස රාජපක්ෂ, නුවන් බෝපගේ ඇතුළු ජනාධිපති අපේක්ෂකයින් 6 දෙනෙකු සහභාගී වීමට නියමිත බව මාර්තු 12 ව්‍යාපාරය නිවේදනය කළා.

හෙට දිනයේද විවාදයේ සජීවී ඩිජිටල් විකාශය හෙළකුරු ජනවරම මැතිවරණ තොරතුරු සේවාව ඔස්සේ නැරඹිය හැකියි.