ළමා හතිය වැනි රෝග තත්ත්වයන් මේ දිනවල වාර්තා වීම ඉහළ ගොස් ඇති බව කොළඹ රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා පවසනවා.
මේ වන විටත් ඉන්ෆ්ලුවෙන්සා සහ ඒ හා සමාන වෛරස් උණ කිහිපයක් පැතිරගොස් ඇති බවයි ඔහු සඳහන් කළේ.
කැස්ස, හෙම්බිරිසාව, උණ පවතිනවා නම් දරුවන්ව නිවසේ තබාගන්නා ලෙසත්, රෝග ලක්ෂණ ඇත්නම් මුව ආවරණයක් පළඳින ලෙසත් විශේෂඥ වෛද්‍යවරයා ජනතාවගෙන් ඉල්ලා සිටිනවා.
රාත්‍රී කාලයේ කැස්ස ඇති වෙනවා නම් එය ළමා හතිය විය හැකි බවත්, කැස්ස, උණ සමග පපුව වේදනා ඇති නම්, උණ දිගටම පවතී නම්, නිව්මෝනියා තත්ත්වයට පත්ව ඇත්දැයි සොයා බැලිය යුතු බවයි විශේෂඥ වෛද්‍ය දීපාල් පෙරේරා වැඩිදුරටත් සඳහන් කළේ.
