සිය පාලන කාලයක් තුළ ජනාධිපති ලේකම් කාර්යාලය ආයෝජකයින්ට කඩිනම් අනුමැතිය ලබාදීම සඳහා වන “One-stop Shop” එකක් බවට පරිවර්තනය කරන බව සමගි ජන බලවේගයේ ජනාධිපති අපේක්ෂක සජිත් ප්‍රේමදාස පවසනවා.
ඒ අනුව ගම් නියම්ගම්, ප්‍රාදේශීය ලේකම් කොට්ඨාස සිසාරා කර්මාන්ත ශාලා බිහිකරන ගමන 22 වැනිදා සිටම ක්‍රියාත්මක කරන ලෙස තමන් දැනටමත් ආයෝජකයින්ට ප්‍රකාශ කර ඇති බවයි ඊයේ (19) නාවලපිටියේ පැවති ජන රැලියකට එක්වෙමින් ඔහු සඳහන් කළේ.
ජනාධිපති ලේකම් කාර්යාලය “One-stop Shop” එකක් බවට පත් කිරීමේ සංකල්පය රණසිංහ ප්‍රේමදාස යුගයේ ද ක්‍රියාත්මක වූ බව ඔහු වැඩිදුරටත් සඳහන් කළා.
