පවතින අයහපත් කාලගුණයත් සමඟ දිස්ත්‍රික්ක කිහිපයක් නිකුත් කළ නායයෑමේ අනතුරු ඇඟවීම් නිවේදනය යාවත්කාලීන කර තිබෙනවා.
ඒ අනුව කොළඹ දිස්ත්‍රික්කයේ පාදුක්ක ප්‍රාදේශීය ලේකම් කොට්ඨාසයට මෙන්ම කළුතර දිස්ත්‍රික්කය, කෑගල්ල දිස්ත්‍රික්කය හා රත්නපුර දිස්ත්‍රික්කයේ ප්‍රාදේශීය ලේකම් කොට්ඨාස 18 ක් සඳහා නායයෑම් අනතුරු ඇඟවීමේ රතු නිවේදනය හෙවත් ඉවත් වීමේ නිවේදනය නිකුත් කර ඇති බවයි සඳහන් වෙන්නේ.
එමෙන්ම මහනුවර, නුවරඑළිය, රත්නපුර, ගාල්ල, කෑගල්ල, හම්බන්තොට, මාතර සහ කුරුණෑගල යන දිස්ත්‍රික්කවල ප්‍රාදේශීය ලේකම් කොට්ඨාස කිහිපයක් සඳහාද තවත් නායයෑමේ අනතුරු ඇඟවීම් නිකුත් කර තිබෙනවා.
අදාළ ප්‍රදේශ පහතින්.
