උඩවලව වේල්ල හරහා මාර්ගය අද සිට තාවකාලිකව වසා දැමේ

අත්‍යවශ්‍ය නඩත්තු කටයුත්තක් හේතුවෙන් උඩවලව වේල්ල හරහා වූ මාර්ගය අද (15) සිට තාවකාලිකව වසා දැමීමට තීරණය කර තිබෙනවා.

ඒ අනුව ජනවාරි 15 වනදා දක්වා අදියර කිහිපයක් යටතේ එම මාර්ගය වසා දැමෙන බවයි ශ්‍රී ලංකා මහවැලි අධිකාරිය සඳහන් කළේ.

අද සිට දෙසැම්බර් 22 වනදා දක්වා මාර්ගය සම්පූර්ණයෙන් වසා දැමෙන අතර, දෙසැම්බර් 23 දින සිට ජනවාරි 06 දක්වා එහි එක් මං තීරුවක් වසා දැමීමට නියමිතයි.

යළිත් ජනවාරි 07 වනදා සිට ජනවාරි 14 දින දක්වා මාර්ගය සම්පූර්ණයෙන් වසා දමන අතර, ඉන් අනතුරු ජනවාරි 15 වනදා උඩවලව වේල්ල හරහා මාර්ගය සම්පූර්ණයෙන්ම ගමනාගමනය සඳහා විවෘත කිරීමට නියමිතයි.