විදුලි ගාස්තු ඉහළ දැමීමට එරෙහිව ඊයේ රාත්‍රියේත් ප්‍රදේශ කීපය​ක පන්දම් විරෝධතා

විදුලි ගාස්තු වැඩි කිරීමට එරෙහිව ඊයේ (27) රාත්‍රියේ ද ප්‍රදේශ කිහිපයක පන්දම් දල්වමින් මහජන විරෝධතා පවත්වා තිබෙනවා.

බෙලිඅත්ත සහ හෝමාගම යන ප්‍රදේශවල ජාතික ජනබලවේගය විසින් විරෝධතා සංවිධානය කර තිබූ අතර, ගලිගමුව, පානදුර, වරකාපොළ, මාවතගම සහ කළුතර යන ප්‍රදේශවල සමගි ජන බලවේගය විසින් පන්දම් විරෝධතා සංවිධානය කර තිබුනා.

එමෙන්ම 43 වැනි සේනාංකය පිටකොටුවේදී විරෝධතාවක් සංවිධානය කර තිබූ අතර, Youth for Change සංවිධානය නුගේගොඩදී විරෝධතාවක් සංවිධානය කර තිබුනා.

තවද විදුලි බිල ඉහළ දැමීමට විරෝධය පළ කරමින් ගෙලිඔය ශ්‍රී වේළුවනාරාම විහාරස්ථානයේ කළු කොඩි ප්‍රදර්ශනය කර තිබූ බවද වාර්තා වනවා.