2023 ලෝක කුසලාන ක්‍රිකට් තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර පුහුණු තරගය කඩුලු 7 කින් ජය ගැනීමට බංග්ලාදේශ කණ්ඩායම සමත් වුණා.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීමට තීරණය කළ අතර ඔවුන් පන්දුවාර 49 ක් අවසානයේ සියලු දෙනා දැවී ලකුණු 263 ක් ලබා ගත්තා.
පන්දුවට පහරදීමේදී පැතුම් නිස්සංක ලකුණු 68 ක්, ධනංජය ද සිල්වා ලකුණු 55 ක් ලබා ගැනීමට සමත් වුණා.
පිළිතුරු ඉනිම ක්‍රීඩා කළ බංග්ලාදේශ කණ්ඩායම පන්දුවාර 42 ක් අවසානයේ කඩුලු 3 ක් දැවී සිටියදී සිය ජයග්‍රාහී ඉලක්කය පසුකර යාමට සමත් වුණා.
පන්දුවට පහරදීමේදී බංග්ලාදේශ කණ්ඩායම වෙනුවෙන් Tanzid Hasan ලකුණු 84 ක්, Mehidy Hasan Miraz ලකුණු 67 ක් හා Litton Das ලකුණු 61 ක් ලබා ගත්තා.
