රහසිගතව හෙද ව්‍යවස්ථාව සංශෝධනය කිරීමේ ක්‍රියාමාර්ගයට එරෙහිව සෞඛ්‍ය අමාත්‍යාංශය ඉදිරිපිට හෙට (26) විරෝධතාවක් සංවිධානය කර ඇති බව සමස්ත ලංකා හෙද සංගමය පවසනවා.
එහි සභාපති එස්.බී. මැදිවත්ත සඳහන් කළේ, හෙද සේවක හිඟය හේතුවෙන් රෝහල් තුළ හටගෙන ඇති අර්බුදය විසඳීමට කිසිදු අවශ්‍යතාවක් නොමැති බලධාරීන් හෙද ව්‍යවස්ථාව සංශෝධනය කිරීමට අදාළ කෙටුම්පතක් රහසිගතව සකස් කර ඇති බවයි.
මේ වනවිට රෝහල් රැසක හෙද පුරප්පාඩු පවතින බවත් මෙම සියලු කරුණුවලට එරෙහිව හෙට (26) දහවල් 11.00 ට හෙද හෙදියන්ගේ සහභාගීත්වයෙන් මෙම විරෝධතාව පැවැත්වෙන බවයි ඔහු වැඩිදුරටත් සඳහන් කළේ.
