ජලය මුදා හැරියත් ඇතැම් ගොවි බිම්වලට ජලය ලැබී නැහැ – කෘෂිකර්ම ඇමති

සමනල වැව ජලාශයෙන් උඩවලව ජලාශයට ජලය මුදාහැරීම ආරම්භ කර දින 05ක් ගත වුවද මේ දක්වාත් ඇතැම් ගොවි බිම්වලට ජලය ලැබී නොමැති බව කෘෂිකර්ම අමාත්‍ය මහින්ද අමරවීර පවසනවා.

ඒ අනුව සිදුව ඇති දරුණු වගා හානිය සම්බන්ධයෙන් කැබිනට් මණ්ඩලය දැනුම්වත් කිරීමට බලාපොරොත්තු වන බවයි අගුණකොළපැලැස්ස ප්‍රදේශයේ දී අමාත්‍යවරයා සඳහන් කළේ.

ඉදිරියේ දී සියලු ජලාශ එකම ස්ථානයකින් පාලනය වන ආකාරයේ වැඩපිළිවෙළක් ක්‍රියාත්මක කිරීමට ජනාධිපතිවරයා අවධානය යොමුකර ඇති බවත් ඒ සඳහා කමිටුවක් පිහිටුවීමටද බලාපොරොත්තු වන බවයි කෘෂිකර්ම අමාත්‍ය මහින්ද අමරවීර වැඩිදුරටත් සඳහන් කළේ.