පසුගියදා රෝහල් තුළ සිදුවූ ආන්දෝලනාත්මක මරණ හයෙන් 05 කට හේතු වී ඇත්තේ ඖෂධ ආසාත්මිකතාවන් බවට ඒ පිළිබඳ සෙවීමට පත්කළ විශේෂඥ වෛද්‍ය කමිටුව වාර්තාවක් ඉදිරිපත් කර තිබෙනවා.
එම මරණ පිළිබඳ සොයා බැලීම සඳහා වෛද්‍ය පර්යේෂණ ආයතනයේ අධ්‍යක්ෂක වෛද්‍ය දේදුනු ඩයස්ගේ සභාපතීත්වයෙන් යුත් සත් සාමාජික කමිටුවක් පත් කළ අතර එම කමිටුව සිය නිර්දේශ ඇතුළත් වාර්තාව සෞඛ්‍ය අමාත්‍යංශයට භාරදී තිබෙනවා.
අදාළ විශේෂඥ කමිටු වාර්තාවේ නිගමනය වී ඇත්තේ කමිටුවේ අවධානය යොමු වූ මරණ හයෙන් 05 කට හේතු වී ඇත්තේ ඖෂධ ආසාත්මිකතාවන් බවත්, ඉන් 04 ක් සැකකටයුතු ඖෂධය හේතුවෙන් වීමට බොහෝ විට ඉඩ තිබෙන බවයි.
එමෙන්ම එම ඖෂධය සම්බන්ධ තත්ත්ව පරීක්ෂණ වාර්තා ද නොතිබූ බවද අදාළ වාර්තාවේ දැක්වෙනවා.
