ආරක්ෂක අංශ සහ පොලීසිය 2009 වසරේ අත්පත් කරගෙන සිටි උතුරේ ඉඩම් වලින් 90% ත් 92% ත් අතර ප්‍රමාණයක් ක්‍රමයෙන් නිදහස් කර ඇති බව ජනාධිපති රනිල් වික්‍රමසිංහ පවසනවා.
මේ සඳහා අක්කර 22,919 ක් ඇතුළත් වන අතර රජය සතු අක්කර 817 ක් සහ පෞද්ගලික ඉඩම් අක්කර 22,101 සමත්විත වන බවද ජනාධිපතිවරයා සඳහන් කළා.
මේ වන විට ආරක්ෂක හමුදා සහ පොලීසිය භාරයේ තිබෙන ඉඩම් ප්‍රමාණය අක්කර 3,754 ක් වන අතර අක්කර 862 ක් රජය සතු සහ අක්කර 2892 ක් පුද්ගලික සතු වන බවද ජනාධිපතිවරයා සඳහන් කළා.
රටේ ස්වෛරීභාවයට සහ ඒකීයභාවයට තර්ජනයක් වන ආකාරයේ ක්‍රියාවල නිරත නොවන බවට සහතික වන බවත් ජාතික සංහිඳියාව හඹායෑමට සාධනීය ලෙස සහභාගී වන ලෙස සියලු පාර්ලිමේන්තු මන්ත්‍රීවරුන්ගෙන් ඉල්ලා සිටින බවද ජනාධිපතිවරයා වැඩිදුරටත් සඳහන් කළා.
