2021 වසරේ නීතිවිරෝධිව මෙරටට ගෙන්වූ රුපියල් කෝටි 1500 ක වටිනාකමින් යුත් දුම්වැටි කෝටි 20ක ප්‍රමාණයක් කෙරවලපිටිය කසල අංගන පරිශ්‍රයේදී විනාශ කිරීමට කටයුතු කර තිබෙනවා.
මේ සම්බන්ධයෙන් අදහස් දැක්වූ මුදල් රාජ්‍ය අමාත්‍ය රංජිත් සියඹලාපිටිය සඳහන් කළේ, රේගුව විසින් මෙම මෙහෙයුම සිදු නොකළා නම් අහිමි වන රාජ්‍ය ආදායම රුපියල් කෝටි 1300ක් පමණ වන බවයි.
මේවායේ ප්‍රමිතිය සම්බන්ධයෙන් වගකීමක් කිසිවෙකුත් නොගන්නා හෙයින් මේවා අලෙවි කිරීමට නොහැකි බවත් මෙම දුම්වැටි තොගය විනාශ කිරීම සඳහා සිගරට් එකකට රු 2ක් මුදලක් එනම් කෝටි 40 ක මුදලක් ශ්‍රී ලංකා දුම්කොල සමාගමෙන් අයකරගන්නා බවයි රාජ්‍ය අමාත්‍යවරයා සඳහන් කළේ.
එමෙන්ම මෙම දුම්වැටි මෙරටට ගෙන්වන ලද ආයතන 03 කට ද ලක්ෂ 25ක දඩයක් පනවා ඇති බවයි මුදල් රාජ්‍ය අමාත්‍ය රංජිත් සියඹලාපිටිය වැඩිදුරටත් සඳහන් කළේ.
![imf[1]](http://bostonlanka.com/wp-content/uploads/2023/07/imf1-234x130.jpg)
