ඉදිරි මෝසම් වැසි තත්ත්වයත් සමඟ ඩෙංගු රෝග ව්‍යාප්තිය වර්ධනය විය හැකි බව ජාතික ඩෙංගු මර්දන ඒකකය පවසනවා.
ඒ අනුව සෞඛ්‍ය වෛද්‍ය නිලධාරී කාර්යාල 72 ක් ආවරණය වන පරිදි ජුනි 14, 15, 16 දිනවල විශේෂ ඩෙංගු මර්දන වැඩසටහනක් ක්‍රියාත්මක කිරීමට සැලසුම් කර ඇති බවයි එම ඒකකය සඳහන් කළේ.
මේ සඳහා සෞඛ්‍ය අමාත්‍යංශය, ත්‍රිවිධ හමුදාව හා පොලීසියේ සහයෝගය ලැබී ඇති බවත්, මෙහිදී නිවෙස් පරිශ්‍ර පරික්ෂාව සහ මහජනතාව දැනුවත් කිරීමේ වැඩසටහන් පැවැත්වීමට නියමිතව තිබෙන බවත් සඳහන් වෙනවා.
