2022 වර්ෂයේ පැවැත්වූ 05 ශ්‍රේණියේ ශිෂ්‍යත්ව පරීක්ෂණයේ ප්‍රතිඵල මත 2023 වර්ෂයේ 06 ශ්‍රේණිය සඳහා පාසල්වලට ඇතුළත් වීමේ අභියාචනා ඉදිරිපත් කිරීම Online ක්‍රමයට සිදුකිරීම සඳහා අයදුම්පත් කැඳවා ඇති බව අධ්‍යාපන අමාත්‍යංශය පවසනවා.
අද (20) දින දහවල් 12.00 සිට මැයි මස 08 දින රාත්‍රී 12.00 දක්වා මේ සඳහා කාලය ලබාදී ඇති බවයි සඳහන් වන්නේ.
https://g6application.moe.gov.lk/#/ යන වෙබ් සබැඳිය වෙත පිවිසීමෙන් මාර්ගගත අභියාචනා අයදුම්පත් ඉදිරිපත් කිරීමට හැකියාව පවතින අතර පාසල් ඉල්ලුම් කිරීමට අදාළ පාසල් සංගණන අංක (Census No.) සහිත ලේඛනය www.moe.gov.lk වෙබ් අඩවියට පිවිසීම මඟින් ලබාගත හැකි බවයි අධ්‍යාපන අමාත්‍යංශය වැඩිදුරටත් සඳහන් කළේ.
