අලුත් අවුරුදු සමය වෙනුවෙන් ගම්බිම් බලා යන ජනතාව වෙනුවෙන් අද (12) දිනයේත් විශේෂ පෞද්ගලික බස්රථ සේවා ක්‍රියාත්මක බව ජාතික ගමනා ගමන කොමිෂන් සභාව පවසනවා.
අද දිනයේ අනෙකුත් දිනවලට වැඩි පිරිසක් බස් රථ භාවිතා කරන බවට අපේක්ෂා කරන බැවින් අතිරේක බස් රථ යෙදවීමට ලංකා ගමනා ගමන මණ්ඩලය කටයුතු කර ඇති බවයි එහි සාමාන්‍යාධිකාරී පණ්ඩුක ස්වර්ණහංස සඳහන් කළේ.
දුර ගමන් සේවා බස්රථ සාමාන්‍ය පරිදි 13 වනදා දක්වා ක්‍රියාත්මක බවත් 14 වනදා දිනයේ බස් රථ කිහිපයක් පමණක් ධාවනය වනු ඇති බවයි ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න සඳහන් කළේ.
