කිසිඳු සේවකයෙකුට බෝනස් ලබාදුන්නේ නැහැ – ඛණිජ තෙල් සංස්ථාව

කිසිදු සේවකයෙකුට මෙම වසරේ බෝනස් ලබාදී නොමැති බව ශ්‍රී ලංකා ඛනිජ තෙල් නීතිගත සංස්ථාව පවසනවා.

ඒ අනුව ලිඛිතව ඉල්ලීමක් කර ඇති වැටුප් රහිත නිවාඩු ලබානොගත් සේවකයින්ට පමණක් මාස 10ක් තුළදී එම ණය මුදල හා පොළියත් සමග මාසික වැටුපෙන් අය කරගන්නා ගිවිසුම මත රුපියල් 30,000ක උත්සව අත්තිකාරම් ණය මුදලක් ලබාදී ඇති බවයි එම සංස්ථාව සඳහන් කළේ.

පුවත් පතක පළවූ ලිපියක් සම්බන්ධයෙන් කරුණු පැහැදිලි කිරීමක් සිදු කරමින් ඛනිජ තෙල් නීතිගත සංස්ථාව මේ බව සඳහන් කර තිබෙනවා.