රටේ පුරවැසියන්ගේ මූලික මිනිස් අයිතිවාසිකම් සෘජුව හෝ වක්‍රව සීමාකෙරෙන නීති සම්පාදනය නොකළ යුතු බව ශ්‍රී ලංකා නීතීඥ සංගමයේ දැඩි ස්ථාවරය බව එම සංගමය නිවේදනය කරනවා.
ත්‍රස්ත විරෝධී පනත් කෙටුම්පත ගැසට් කර ඇත්තේ ශ්‍රී ලංකා නීතීඥ සංගමය ඇතුළු අදාළ පාර්ශ්වකරුවන් සමග ප්‍රමාණවත් උපදේශනයකින් තොරව බවයි නිවේදනයක් නිකුත් කරමින් ශ්‍රී ලංකා නීතිඥ සංගමය සඳහන් කරන්නේ.
පනත් කෙටුම්පතේ නිත්‍යානුකූලභාවය සහ එහි ප්‍රතිවිපාක සමාලෝචනය කිරීමට කමිටුවක් ද පත්කර ඇති බවයි සිය නිවේදනය මගින් ශ්‍රී ලංකා නීතීඥ සංගමය වැඩිදුරටත් සඳහන් කරන්නේ.
