තවත් බිත්තර තොගයක් දිවයිනට

ඉන්දියාවෙන් ආනයන කළ තවත් බිත්තර තොගයක් ඊයේ (04) රාත්‍රියේ දිවයිනට රැගෙනවිත් ඇති බව රාජ්‍ය වාණිජ විවිධ නීතිගත සංස්ථාව පවසනවා.

ඒ අනුව බිත්තර මිලියන 04ක් ආනයනය කර ඇති බවයි එහි සභාපති ආසිරි වලිසුන්දර සඳහන් කළේ.

එම බිත්තර තොගය මේ වනවිට අනුමැතිය සඳහා සත්ව නිෂ්පාදන හා සෞඛ්‍ය දෙපාර්තමේන්තුව වෙත ඉදිරිපත් කර ඇති බවත් ඊයේ රාත්‍රී ආනයනය කෙරුනු බිත්තර නියදි අද (05) දිනයේ පරීක්ෂණාගාර වෙත යොමු කරන බවයි ඔහු වැඩිදුරටත් සඳහන් කළේ.