ඔස්ට්‍රේලියානු T20 කණ්ඩායමේ නායක ඒරන් ෆින්ච් T20 ජාත්‍යන්තර ක්‍රිකට් පිටියට සමු දීමට තීරණය කර තිබෙනවා.
36 හැවිරිදි ඔහු පසුගිය වසරේ සැප්තැම්බර් මාසයේ දී එක්දින ක්‍රිකට් පිටියෙන්ද සමු ගැනීමට තීරණය කර තිබුණා.
ජාත්‍යන්තර තරග 254 ක් ක්‍රීඩා කර ඇති ෆින්ච් එහිදී ලකුණු 8,804 ක් රැස් කළ අතර, ඊට ශතක 19 ක් හා අර්ධ ශතක 51 ක් ඇතුළත් වනවා. 2021 වසරේ T20 ලෝක ශූරතාවය දිනූ ඔස්ට්‍රේලියානු කණ්ඩායමේ නායකයා වූ ඒරන් ෆින්ච් මේ වන විට තරග 76 කට නායකත්වය ලබාදී තිබෙනවා.
T20 ජාත්‍යන්තර පිටියේ දී ෆින්ච් ලකුණු 3,120 ක් ලබා ඇති අතර, එය ඔස්ට්‍රේලියාව වෙනුවෙන් පන්දුවාර 20 ජාත්‍යන්තර තරගවලදී පිතිකරුවෙකු ලබා ඇති ඉහළම ලකුණු සංඛ්‍යාවද වනවා.
