මැතිවරණ කොමිසමේ සාමාජිකයෙකු ඉල්ලා අස්වීම මැතිවරණය පැවැත්වීමට බාධාවක් නොවන බව මැතිවරණ කොමසාරිස් ජෙනරාල් සමන් ශ්‍රී රත්නායක පවසනවා.
සාමාජිකයෙකු එලෙස ඉල්ලා අස්වූ පසුව එමගින් ඇතිවෙන පුරප්පාඩුවට නව සාමාජිකයෙකු පත් කිරීම ආණ්ඩුක්‍රම ව්‍යවස්ථා සභාවේ වගකීමක් බැවින් එය හැකි ඉක්මණින් සිදුවනු ඇතැයි තමා අපේක්ෂා කරන බවද ජෙනරාල්වරයා පවසා සිටියා.
ඊයේ (25) දිනයේ දී මැතිවරණ කොමිෂන් සභාවේ සාමාජික පී.එස්.එම් චාර්ල්ස් මහත්මිය සිය ධූරයෙන් ඉල්ලා අස්වීමට කටයුතු කළ අතර ඇයගේ ඉල්ලා අස්වීමේ ලිපිය ද ජනාධිපතිවරයාට ලබාදී ඇති බවයි වාර්තා වන්නේ.
