එළැඹෙන පළාත් පාලන මැතිවරණයේදී දිස්ත්‍රික්ක කිහිපයක් සඳහා අත ලකුණින් තරග කිරීමට ශ්‍රී ලංකා නිදහස් පක්ෂය ඊයේ රාත්‍රියේ පැවැති සාකච්ඡාවේදී තීරණය කර තිබෙනවා.
ඒ අනුව උතුරු, නැගෙනහිර පළාත් සහ පොළොන්නරුව දිස්ත්‍රික්කයට අත ලකුණින් තරග කිරීමටත්, කොළඹ, පුත්තලම, කුරුණෑගල, හම්බන්තොට සහ මොණරාගල දිස්ත්‍රික්ක සඳහා හෙලිකොප්ටරය ලකුණින් තරග කිරීමටත් ශ්‍රී ලංකා නිදහස් පක්ෂය තීරණය කර ඇති බවයි සඳහන් වන්නේ.
සෙසු දිස්ත්‍රික්කවල පළාත් පාලන ආයතන සඳහා අත ලකුණ සහ හෙලිකොප්ටරය යන ලකුණු දෙකම භාවිත කරමින් මැතිවරණයට ඉදිරිපත් වීමට තීරණය කර ඇති බවයි පාර්ලිමේන්තු මන්ත්‍රි විමල් විරවංශ සඳහන් කළේ.
