වත්මන් ආර්ථික අර්බුදය තුළ ශ්‍රී ලංකාවට සහාය දැක්වීම සම්බන්ධයෙන් ධනාත්මක ප්‍රතිචාරයක් ලබා දීමට ඉන්දීය විදේශ අමාත්‍ය එස්.
ජයිශංකර්ගේ මෙරට සංචාරයේදී අපේක්ෂාවෙන් පසුවන බව The Hindu පුවත්පත වාර්තා කර තිබෙනවා.
ඒ අනුව එහිදී බලශක්ති, ආහාර සුරක්ෂිතතා සහ විනිමය හුවමාරු සම්බන්ධයෙන් මෙන්ම ණය ප්‍රතිව්‍යුහගතකරණය පිළිබඳ සාකච්ඡා පැවැත්වීමට නියමිත බවයි සඳහන් වන්නේ.
පසුගිය වසරේදී මෙන්ම ශ්‍රී ලංකාවේ අවශ්‍යතා සදහා ධනාත්මක ප්‍රතිචාරයක් ලබා දීමට ඉන්දියාව අපේක්ෂා කරන බවයි The Hindu පුවත්පත වැඩිදුරටත් සඳහන් කරන්නේ.
මේ මස 19 වන දා ඉන්දීය විදේශ අමාත්‍ය එස්. ජයිශංකර් දෙදින සංචාරයක් සදහා මෙරටට පැමිණීමට නියමිතව තිබෙනවා.
