ජනපති මැදුරෙන් සොයාගත් මුදල් අස්ථානගත වීමේ නඩුවෙන් වසන්තට ඇප

අරගලකරුවන් විසින් ජනාධිපති මන්දිරය අල්ලා ගත් අවස්ථාවේ දී එහි තිබූ මුදල් අස්ථානගත වීම සම්බන්ධයෙන් පවරා තිබූ නඩුවෙන් අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ හට ඇප හිමි වී තිබුණා.

ඒ ඊයේ (14) දිනයේ ඊට අදාළ නඩුව කොළඹ කොටුව මහේස්ත්‍රාත් අධිකරණයේ දී කැඳවූ අවස්ථාවේ දී යි.

පුද්ගලයින් 72 දෙනෙකුට එරෙහිව මෙම නඩුව පවරා ඇති අතර කොටුව පොලිස් ස්ථානය විසින් වසන්ත මුදලිගේ එම නඩුවේ 73 වෙනි සැකකරු ලෙස නම් කර තිබුණා.

කෙසේ වෙතත් වසන්ත මුදලිගේ නැවතත් ජනවාරි 20 වැනිදා දක්වා රක්ෂිත බන්ධනාගාර ගත කර තිබෙනවා.