කොරෝනා ලංකාවේ මිනිස්සු තේරුම් ගත හැටි

MG_0586

Latest Update

මේ වන විට ලංකාවේ කොරෝනා රෝගීන් 70ක්. ආසාදිතයින්18 දෙනෙකු ගම්පහ දිස්ත්‍රික්කයෙනුත් කොළඹ දිස්ත්‍රික්කයෙන් ආසාදිතයින් 17 දෙත්නෙකු, පුත්තලම දිස්ත්‍රික්කයෙන් ආසාදිතයින් 12 දෙනෙකු, කෑගල්ල සහ කළුතර යන දිස්ත්‍රික්කවලින් ආසාදිතයින් සිව්දෙනා බැගින් සහ රත්නපුර දිස්ත්‍රික්කයෙන් ආසාදිතයින් තිදෙනෙකු හඳුනා ගෙන තිබෙනවා.
එවන් වෙලාවක ගාල්ල, කෑගල්ල, මාතර, මඩකලපුව සහ බදුල්ල යන දිස්ත්‍රික්කවලින් එක් කොරෝනා ආසාදිතයෙකු බැගින් හඳුනාගෙන තියෙනවා. ඒ වගේම සැක කටයුතු රෝග ලක්ෂණ පෙන්නුම් කරන පුද්ගලයින් 218 දෙනෙකු දිවයින පුරා රෝහල් 14ක වෛද්‍ය අධීක්ෂණය යටතේ පසු වෙනවා.
සියල්ල එක්ක රටේ පිරිසක් බියට පත් වෙලා ඉන්නකොට තවත් පිරිසක් මේක විහිලුවකට පත් කරගෙන තියෙනවා කියලත් පෙනුනා. ඒ ඔවුන්ගේ හැසිරීම් එක්ක. මිනිස්සු ඒකරාශිවීම වැලක්වීමට රජය එක දිගට මාධ්‍ය මගින් දැනුවත් කරමින් ඇදලා සෞක්‍ය පිළිවෙත් ගැන දැනුම් දුන්නත් මිනිස්සු එකට හුරු වුණේ නැහැ. නිවාඩු ලබා දෙමින් නිවෙස් වලට වෙලා ඉන්න කිවුවත් සමහරක් කලේ ඒ නිවාඩුවේ ට්‍රිප් යන එක. මේ නිසාම රජය දැඩි පියවරක් ගත්තා. ඒ ඇදිරි නිතිය දමන්නට තීරණය කිරීමත් සමඟ. මුලින් පුත්තලම පොලිස් බල ප්‍රදේශ 18කට දාපු ඇදිරි නිතිය මේ වන විට රට පුරාම බල පැවැත්වෙන පරිදි ක්‍රියාත්මක වනවා.
එකට එක උදාහරණයක් කියනවා නම් දඹුල්ල නගරාධිපති අද පාපැදි තරඟයක් සංවිධානය කරලා. කොහොම හරි මේ වන වේට ඔහු ඇතුළු 2ක් අත්අඩංගුවට අරන්. මේ වගේ තවත් සිදුවීම් සිදු වෙද්දී මිනිස්සු පන්සල් වලත් විවිධ ආගමික වැඩ සටහන් වලට ඒකරාශී වෙලා. කොච්චර කිවුවත් අහන්නේ නැති නිසාම පොලිසිය දැන් දැඩි ලෙස දඩුවම් දෙන්න වරෙන්තු නැතුව අනුකම්පා විරහිතව වැඩ කරන්න පටන් අරං. ඒ නිසා නිවෙස් තුලටම වෙලා ඉන්න කියලයි පොලිසිය නිරතුරු කියන්නේ. ඒවගේම විනෝද චාරිකා වන්දනා ගමනුත් තහනම්.
එජාපය වගේම ජවිපෙ ඇතුළු බොහෝ පක්ෂ විවේචනයට ලක් කල ඉදිරි මැතිවරණය මේ වන විට කල් ගිහින්. මැතිවරණ කොමසාරිස්වරයා ප්‍රකාශ කළේ “කොවිඩ් 19” ඉදිරි මැතිවරණ දිනය තීරණය කරන බව.
කටුනායක බණ්ඩාරනායක ජාත්‍යන්තර ගුවන් තොටුපළේ ස්ථාපනය කර ඇති ස්කෑනර් යන්ත්‍ර මගින් කොරෝන හෙවත් COVID 19 වෛරසය ශරීරගත වීම පිළිබඳව දැනගැනීමේ හැකියාවක් නොමැති බව රජයේ වෛද්‍ය නිලධාරින්ගේ සංගමය පවසනවා. එම යන්ත්‍ර මගින් උණ පමණක් පරික්ෂාකර දැනගැනීමේ හැකියාවක් පමණක් පවතින බව මාධ්‍ය ප්‍රකාශක වෛද්‍ය සමන්ත ආනන්ද මහතා පැවසුවේ. ඒ අනුව ගත වූ මාස දෙක තුළදී විදේශයෙන් පැමිණි එකදු කොරෝනා වෛරසය ශරීරගත රෝගියකු හමු වෙලා නැහැ. මේ නිසා වෙන්න ඇති රටට පිටින් කොරෝනා ඇතුල් වුණෙත්.
අපි දුප්පත් රටක්. මිට පෙර ඩෙංගු වසංගතය වැනි වුවදුරු වලදී අපි දැක්කා රෝගීන් වැඩි වෙනකොට හරියට ඇදන් වත් තිබ්බේ නැහැ. සියල්ල එක්ක හමුදාව එක රැයින් නිරෝධායන මධ්‍යස්ථාන හදනවා. සැබවින්ම ඔවුන්ගේ මේ කාර්යන් අගයන්නම ඕන. කියන දේ අහලා ස්වයන් නිරෝධායන කටයුතු වලට මෙන්ම රෝගිවුවන් බෙහෙත් ගන්න ගියා නම් මෙහෙම මෙච්චර වැඩි වෙන්නෙත් නැහැ. තවමත් නිරෝධායනය නොවී සැගවී සිටින පිරිස් ඉන්නවා. ඒ අතර ස්වයං නිරෝධයනට යන පිරිසුත් 8000 කට වැඩියි.

ඒ වගේම ඉන්දියාවේ වන්දනාවේ ගිය බැතිමතුන් ශ්‍රී ලංකාවට ගෙනාවා ගෙන  සියල්ල නිරෝධායන ක්‍රියාවලියට යොමු කිරීමටත් රජය ඊයේ 19 සහ අද 20 දිනයේදී පියවර ගත්තා
පාසල් නිවාඩුව කලින්ම දෙද්දී මේ වෙන කොට උසාවි වැඩ ඔන් ලයින් සිස්ටම් එකට සිදු වෙනවා. එකත් අතවශ්‍ය නඩු. දුම්රිය අධිවේගී මාර්ග ධාවනය නතර වෙලා. තැපැල් කටයුතු නතර කරලා. අපිට තාම නිරෝධායනය කියන වචනේ අමුතු වුනාට මේකට අපි ගොඩක් කල් ඉදලා හුරු මිනිස්සු. එදා ඉදලා දෙයියන්ගේ ලෙඩක් හැදුනම කහ බදුනක් තියාගෙන කොහොඹ කොළ එල්ලගෙන පෙරුම්කායම් අතේ බැදගෙන දින 14 හෝ 21ක් යනකල් එළියටත් යන්නේ නැතුව අපේම අයගේවත් මුණට මුරුච්චි වෙන්නේ නැතුව අපි පරිස්සම් වුණා. කාලෙත් එක්ක මේවා අමතක වෙලා. මේකත් ඒ වගේ කියලා හිතන්න තවමත් අපේ සමහරකට බැරි වෙලා නිසාම කොරෝනා මෙලෙස පැතිරුණා.
ලංකාවේ කොරෝන මෙහෙම පැතිරුණේ අපේම අයගේ නොසැලකිල්ල නිසා. විදේශ ගත්වුවන් සමහරෙක් නිරෝධායනට විරුද්ධ වුණා. ඔවුන්ගෙන් සමහරෙක් රෝගීන්. පසුව නිරෝධායනය නොවී සිටි අය කට්ටි පනිමින් සිටියා. එකට හොදම උදාහරණය වාර්තා වුනේ අද. මේක හරිම අවාසනාවන්ත සිදුවීමක්. කොවිඩ් 19 හෙවත් නව කොරෝනා වෛරසය ආසාදනය වී සිටිය දී තමාට හෘදයා බාධයක් වැළඳී ඇතැයි අසත්‍ය පවසමින් ‍ඊයේ(19) දිනයේ දී තමාට හෘද රෝගයක් ඇති බව පවසමින් රාගම රෝහල වෙත පුද්ගලයෙකු ඇතුළත් වෙලා තිබුණා.
මේ වන විට උතුරු කොළඹ ශික්ෂණ රෝහලට ඇතුළු වු පුද්ගලයාට එරෙහිව වත්තල මහේස්ත්‍රාත් අධිකරණයට නඩුවක් ගොනු කරලා. ඒ නිසාම රෝහලේ කාර්ය මණ්ඩලයට නිවාඩු දීලා නිරෝධායනය කරනවා. ඒ වගේම එම වාට්ටුවේ සිටි සිටි අනෙක් රෝගීන් ඔවුන්ව බලන්න පැමිණ සිටි රෝගීන් සියල්ලම දැන් දැඩි අනතුරක.
සියල්ල එක්ක දින දෙක තුනක් පුරාවටම වගේම අදත් ඇදිරිනීතිය දාන්න පෙර කඩ සාප්පු වල තිබ්බේ පුදුම පෝලිමක්. මීටරයක් දුරින් ඉන්න කියද්දීත් මිනිස්සු එකිනෙකා මතින් යන තරමට පොර කන්න වුනා. ඒ භාණ්ඩ මිලදී ගන්න. ජනාධිපතිවරණයා සැමන් රුපියල් 100ටත් පරිප්පු 65ට දෙන්නටත් තීරණය කිරීම එක්ක මෙය වැඩි වුණා. දේශපාලනිකව වශයෙන් මෙයට පහර ගැහුවත් දුප්පත් එදා වෙලා හොයාගෙන කන පිරිසට මේක ලොකුම සහනයකුත් වුණා. ඒක  අපිට හොදටම දැනුණේ වතුකරයේ ජනතාවත් එක්ක කතා කලාම. සියල්ලෙන්ම පෙන්නේ අපේ රටේ තවමත් පවතින ද්‍රරිද්‍රතාවය.
Lock down කියන වචනේ අපිට අළුත්. දේශපාලන පක්‍ෂ රට lock down කරන්න කියලා කෑ ගහද්දි රජය ඇහුවේ එහෙම කලොත් එදා වෙලා කන ජනතාව අතවශ්‍ය සේවාවන් වැඩ කරන්නේ කොහොමද කියන කාරණය. නමුත් මේ පිළිවෙලට කොරෝනා පාලනය කර ගන්න නොහැකි වුණොත් රටක lock down නෙමෙයි shut down වෙයි වගේ. ඒ නිසා මේ පවතින තත්වය සියලුම පුරවැසියන් අවධානයෙන් ගෙන පුරවැසි වගකීම ඉටු කල යුතු වෙලාවක්. සාගතයක් දුර්භික්ෂයක් හෝ ඒඩ්ස් වන්නක් නොවූ කොරෝනාට තමන්ම පරිස්සම් වෙමින් රට සුරක්ෂිත කිරීමේ වැඩ පිළිවෙලට දායක විය යුතුයි.
පාන්ශුකුලයක් වත් නැතුව තමන්ගේ එකෙක් වළලන්න ඉඩ දෙන්න එපා. ඔබේ වගකීම මේ වෙලේ ඉටු කරන්න කියලා Boston අපි ඉල්ලනවා.
කොරෝනා මැඩලීම සදහා ප්‍රධාන වෛදවරුන් 24කින් යුත් කණ්ඩායමක් අද සාකච්චා පවත්වමින් ඔවුන් රෝහල් වල දනුවත් කිරීම් සිදු කෙරෙනවා. ඇදිරිනීතිය යටතේ මාධ්‍ය මෙන්ම වෙනත් අතවශ්‍ය සේවා ක්‍රියාත්මක වනවා. ලෝකයේ දත්ත එක්ක විශ්ලේෂණය කරකොට ලංකාවේ තියෙන්නේ එතරම් හොද තත්වයක් නෙමෙයි.
ඒ අතර ජපානය කොරෝනා වලට එරෙහිව බෙහෙතක් හොයා ගෙන කියලත් විදෙස් මාධ්‍ය වාර්තා කලත් තවම එහි හරි වාර්තාවක් අපට සැල වන්නේ නැහැ. කොහොම වුනත් ඉක්මණින්ම මේ රෝගය මගේ රටෙන් වගේම ලෝකෙන්ම තුරන් වේවායි ප්‍රර්ථනා කරනවා.
By Ashanthi Warunasuriya