රාජපක්ෂවරුන්ට අදාල නඩු ඇසීමට විශේෂ උසාවියක් පිහිටුවීමට කර ඇති යෝජනාව ආණ්ඩුක‍්‍රම ව්‍යවස්ථාවේ, නීතිය ඉදිරියේ සැමට සමානව සැලකීමේ මූලධර්මය හා නිර්දෝශීභවේ පූර්ව නිගමනය යන මූලධර්මයන්ට පටහැනි බව හිටපු ජනාධිපති මහින්ද රාජපක්ෂ මහතා නිවේදනයක් නිකුත් කරමින් පවසයි.
යමපාලන ආණ්ඩුවේ මහාපරිමාන වංචා හා දූෂණ අනපේක්ෂිත හා විචිත‍්‍රවත් ලෙස හෙළිවෙද්දී සිය පවුලෙ සාමාජිකයින් සී. අයි. ඞී, යට හා හා මුල්‍ය අපරාධ කොට්ඨායට ගෙන්වා ජනතා අවධානය වෙනතකට යොමු කිරීමට ආණ්ඩුව කටයුතු කරමින් සිටින බව එ් මහතා පවසයි.
සිය පවුලේ සාමාජිකයින්ට අයත් කෝටි 500ට අධික වටිනාකමක් ඇති දේපොල උසාවි හෝ ආණ්ඩුව විසින් රාජසන්තක කර ඇති බවට ආණ්ඩුව කරනා ප‍්‍රකාශයද අමූලික බොරුවක් බව එ් මහතා නිවේදනයේ සඳහන් කර ඇත.
සිය පවුලේ කිසිදු දේපොලක් රජය විසින් හෝ උසාවියක් විසින් රාජසන්තක කර නැති අතර වෙනත් පුද්ගලයින්ට අයිති දේපොල සිය පවුලේ දේපොල ලෙස හුවා දැක්වීමට ආණ්ඩුව උත්සාහ දරමින් සිටින බවද එ් මහතා පවසයි.
මීට පෙර පැවැති කිසිදු ආණ්ඩුවක් යමපාලන ආණ්ඩුව මෙන් සිය දේශපාලන ප‍්‍රතිවාදීන්ගේ පවුල්වල සාමාජිකයින්ට මෙලෙස හිරිහැර කර නැති බවද එ් මහතා නිකුත් කළ නිවේදනයේ වැඩි දුරටත් සඳහන් කර ඇත.
