හම්බන්තොට වරාය චීන සමාගමකට විකුණූ රජය මීළඟට විකුණන්නේ මත්තල ගුවන්තොටුපළ යැයි හිටපු ජනාධිපති මහින්ද රාජපක්ෂ මහතා පැවසීය.
බලයට පත්වූ හැටියේ මත්තල ගුවන්තොටුපල වීගබඩාවක් කර වසා දමා ගුවන් යානා එන්නේ නැති නිසා එයින් වැඩක් නැතැයි කියා දැන් විකිණීමට සූදානම් වන බවද එ් මහතා පැවසීය.
එ් දිනවල මත්තල ගුවන්තොටුපළට ගුවන් යානා පැමිණි බවත් එ් බව හම්බන්තොට ජනතාව දන්න බවද එ් මහතා කීවේය.
ඕනෑම රටකට අඩුම වශයෙන් ගුවන්තොටුපළ දෙකක් තිබිය යුතු අතර මත්තල ගුවන්තොටුපල නොතිබුණු අවධියේ ඉන්දියාවට හා මාලදිවයිනට මුදල් ගෙවමින් ගමන් කිරිමට සිදුවූ බව හොදින්ම දන්නා කාරණායක් යැයිද එ් මහතා කීවේය.
මත්තල ගුවන්තොටුපල සමඟ මේ රජයට ඇත්තේ මහ වෛරයක් යැයිද තංගල්ල කාල්ටන් නිවසේදී මාධ්‍යයට අදහස් දක්වමින් එ් මහතා වැඩිදුරටත් සඳහන් කළේය.
