උතුරු පළාත් අධ්‍යාපන අමාත්‍ය ටි. කුරුකුලරාජා මහතා වෙත එල්ලවී පවතින දූෂණ හා වංචා චෝදනා හමුවේ සිය අමාත්‍යධූරයෙන් ඉවත්වන බවට පවසමින් කුරුකුලරාජා මහතා ඉලංගෙයි තමිල් අරසු කච්චි පක්ෂ නායක මාවෙයි සේනාධිරාජා මහතා වෙත ඉල්ලා අස්වීමේ ලිපියක් බාරදී ඇති බැව් පක්ෂ සාමාජිකයින් පවසයි.
ඉලංගෙයි තමිල් අරසු කච්චි පක්ෂ සාමාජිකයින් පැවසූවේ තමන්ට තවදුරටත් පළාත් අමාත්‍යධූරයේ සේවය කළ නොහැකි බවට සඳහන් කරමින් ඉල්ලා අස්වීමේ ලිපිය බාරදී ඇති බවයි.
එහිදි ඉලංගෙයි තමිල් අරසු කච්චි පක්ෂ නායක මාවෙයි සේනාධිරාජා මහතා විසිල් ඉල්ලා අස්වීමේ ලිපිය බාරගෙන නොමැති අතර, සේනාධිරාජා මහතා කුරුකුලරාජා මහතා වෙත පවසා ඇත්තේ තවමත් අදාළ චෝදනා සම්බන්ධයෙන් පළාත් සභා මන්ත‍්‍රීවරුන්ගේ එකඟතාවය ලැබී නොමැති බැවින් ඉවසීමෙන් කටයුතු කරන ලෙසයි.
අදාළ අවස්ථාවේදී කුරුකුලරාජා මහතා ඉල්ලා අස්වීමේ ලිපිය බාරගන්නා ලෙස ලෙසට බලකොට ඇති බැවින් පසුව සේනාධිරාජා මහතා අදාළ ලිපිය බාරගෙන ඇති අතර,එය නිල සිදුවීමක් නොවන බවට පක්ෂ නියෝජිතයින් ප‍්‍රකාශ කොට ඇත.
පළාත් සභා මන්ත‍්‍රීවරුන් පිරිසක් පැවසූවේ කුරුකුලරාජා මහතා විසින් පළාත් අමාත්‍යධූරයෙන් ඉල්ලා අස්වීම සම්බන්ධයෙන් ලිපිය පාර්ලිමේන්තු මන්ත්‍රීවරයෙකු වන සේනාධිරාජා මහතා වෙත බාරදීම විහිළු සහගත ක‍්‍රියාවක් වන අතර, පළාත් සභා අමාත්‍යවරයෙකු පදවියෙන් ඉල්ලා අස්වීම සිදුකරන්නේ නම් ඉල්ලා අස්වීමේ ලිපිය පළාත් ප‍්‍රධාන අමාත්‍යවරයා වෙත හෝ පළාත් සභාව වෙත බාරදිය යුතු බවයි.
![imf[1]](http://bostonlanka.com/wp-content/uploads/2023/07/imf1-234x130.jpg)
