කොළඹ ප්‍රෙද්ශයේ මුස්ලිම් කඩ 4ක් ගිනි තැබීමේ සැකකරු වශයෙන් හදුනා ගත් පුද්ගලයෙකු අද දින නුගේගොඩ, මිරිහාන පොලිසිය විසින් අත්අඩංගුවට ගෙන තිබේ. අදාල කඩසාප්පුවල තිබූ සීසී ටී.වී කැමරා දර්ශන ආධාරයෙන් සැකකරු හදුනා ගැනීමට පොලිසිය සමත්ව ඇත. බොදු බලසේනා මගින් පවත්වන ලද රැස්වීම් කිහිපයකටම සහභාගී වී ලද මානසික විපර්යාසය මුල්කොටගෙන ඔහු විසින් හොර රහසේ තනිව මෙම ගිනි තැබීම් කර ඇති බව වාර්තා වේ
බස්නාහිර පළාත් දකුණ, නියෝජ්‍ය පොලිස්පති වසන්ත වික්‍රමසිංහ මහතා, නුගේගොඩ කොට්ඨාස භාර පොලිස් අධිකාරි ප්‍රසාද් රණසිංහ මහතා යන නිළධාරීන්ගේ මෙහෙයුම යටතේ මූලස්ස්ථාන පොලිස්පරීක්ෂක විජේවර්ධන සහ මූලස්ස්ථාන පොලිස්පරීක්ෂක ජයවර්ධන ඇතුළු නිළධාරීන් විසින් මොහුව අත්අඩංගුවට ගෙන ඇත.
