ශෂී වීරවංශ මහත්මියගේ විදේශ ගමන් බලපත්‍රය සහ ජාතික හැඳුනුම්පත අධිකරණ බාරයේ තිබියදී අස්ථානගතවීම සම්බන්ධයෙන් වහාම පරීක්ෂණයක් පවත්වන ලෙස නීතිපතිවරයා අධිකරණයෙන් ඉල්ලීමක් කර තිබේ.
නීතිපතිවරයා වෙනුවෙන් අධිකරණයේ කරුණූ දක්වමින් නියෝජ්‍ය සොලිස්ටර් ජනරාල් දීලීප පීරිස් මහතා එම ඉල්ලීම කළ බව වාර්තා වී ඇත.
කූට ලේඛන ඉදිරිපත් කළ අවිධිමත් විදේශ ගමන් බලපත්‍රයක් ලබා ගැනීමේ චෝදනාව එල්ල වී ඇති පාර්ලිමේන්තු මන්ත්‍රී විමල් වීරවංශ මහතාගේ බිරිඳ වන ශෂී වීරවංශ මහත්මිය සතුව තිබූ විදේශ ගමන් බලපත්‍රය සහ ජාතික හැඳුනුම්පත කොළඹ ප්‍රධාන මාහේස්ත්‍රාත් අධිකරණයේ රෙජිස්ටාර්වරිය බාරදී තිබූ බව සඳහන්ය.
