සිප ගැනීම කියන්නෙ හරිම සුන්දර දෙයක්. ඒත් අම්ම මුත්ත කාලෙවත් අහපු නැති පුදුමාකාර සිප ගැනීමක් ගැන තමයි මේ කියන්න යන්නෙ.
අමෙරිකාවේ වාසය කරන 30 හැවිරිදි දිලිනි ජයසූරිය පසුගිය දවස් වල මෝටර් රථයක් දිනා ගත්තා. ඒ ලොතරැයියක් හූරලානම් නෙවෙයි, පැය 50 ක් පුරා කාර් එකක් කිස් කරලා.
ඇමරිකාවේ ටෙක්සස් ප්‍රාන්තයේ පදිංචි ඇය ශ්‍රී ලාංකීය දියණියක්. ලොව ප්‍රකට මෝටර් රථ සමාගමක් මගින් පැවැත්වූ තරගයකට සහභාගීවීමෙනුයි ඇය මෙම ජයග්‍රහණය ලබා ඇත්තේ. මේ අපූරු තරගය හරහා ඇය ලාංකීය නාමයට කීර්තියක් එක් කරපු හැටිත් අපූරුයි.
එරට රසායනාගාරයක සේවය කරන දිලිනි ජයග්‍රහණයෙන් පසුව අදහස් පළ කරමින් කිව්වෙ ඇයත් සැමියාත් එකම වාහනය බෙදාගෙන පාවිච්චි කරපු නිසා තවත් වාහනයක අවශ්‍යතාව ඇයට තදින්ම තිබුණා කියලා.
96.7 KISS FM radio මගින් පවත්වපු මේ තරගයට අනුව වැඩිම වේලාවක් එම නවීන මෝටර් රථය සිප ගන්නා පුද්ගලයාට එය ත්‍යාගයක් වශයෙන් ලබා දීමට නියමිතව තිබූණා. එහි මුල් වටය සදහා තරගකරුවන් විසි දෙනකු ඉදිරිපත්ව තිබූ බවයි විදෙස් මාධ්‍ය අනාවරණය කරන්නේ.
