අද උදෑසනන කරදියාන ගංගාරාම විහාරස්ථානයට රැස් වූ ප්‍රෙද්ශවාසීන් සහ ප්‍රෙද්ශයේ දේශපාලනඥයින් විසින් උද්ඝෝෂණයක් ආරම්භ කරන ලද්දේ කරදියාන කසල අංගනයට කසල බැහැර කිරීමට දැඩි විරෝධය දක්වමිනි. අනතුරුව විරෝධතාකරුවන් කරදියාන මාර්ගය ඔස්සේ කසල අංගනය දක්වා පා ගමනින් පැමිණියහ.
විරෝධතාකරුවන් එම ස්ථානයට පැමිණෙන අතරවාරයේ කොළඹ මහ නගර සබාවේ කසල රැගත් ලොරි රථ කිහිපයක් කරදියාන කසල අංගනයට පැමිණ තිබුණේ මේ අයුරිනි. කෙසේ වෙතත් ජනතාවගෙන් එල්ල වූ දැඩි විරෝධය හුමවේ කොළඹ නගර සභා සීමාවේ එක්රැස් වූ සකල බැහැර කිරීම සදහා පැමිණි ලොරි රථසියල්ල ආපසු හරවා යැවීමට කටයුතු කළහ.
මෙහිදී අදහස ්පළ කළ ජවිපෙ බ.ප පා.ම ලක්ෂ්මන් නිපුණ ආරච්චි පැවසූයේ
ටොන් 350ක් විතරයි මේකෙ කුණු දාන්න අධිකරණය මගින් අවසර ලබා දී තිබෙන්නෙ. දැන් බොහෝ විට මේ විරෝධතාව නිසා එයාලා අධිකරණයට නැවත යයි මේක අලුත් කර ගන්න.අපේ වගකීම තමයි අපේ තියන ප්‍රජාතන්ත්‍රවාදී අයිතියේ සීමාව පාවිච්චි කරල අධිකරණයට යම් ඒත්තු ගැන්වීමක් කරන එක.
කරදියානට කසල බැහැර කිරීම සම්බන්ධයෙන් මාධ්‍ය නිවේදනයක් නිකුත් කරමින් පාරිභෝගික අයිතීන් සුරැකීමේ ජජාතික ව්‍යාපාරය පවසා සිටින්නේ අධිවේගී මාර්ග සහ නෙළුම් කුළුණු හා ගුවන් තොටුපළවල් සැදුවත් ශ්‍රී ලංකාව තවමත් කසල කළමනාකරණය කර ගැනීමට අසමත්ව සිටින බවයි. නමුත් ජනතාව කරන්නනේ මහා ව්‍යාපාරික සිහින දකිමින් මෙගාපොලිස් අමාත්‍යංශ පිහිටුවමින් දේශපාලකයින් උදේ හවා කරන බණ දේශනා අසමින් කල් මැරීම බවද එම නිවේදනයේ වැඩි දුරටත් සදහන් වේ.
